Një ngjarje e rëndë ka ndodhur pasditen e sotme në shëtitoren e plazhit të Shëngjinit, pranë bustit “Willson”, ku një 32-vjeçar ka humbur jetën si pasojë e një incidenti të dyshuar elektrik.
Sipas informacioneve paraprake, rreth orës 16:45, shtetasi Z. L., banues në fshatin Mërqi të Lezhës, ka rënë nga një lartësi në një skelet ndërtimi, dyshohet pasi ka rënë në kontakt me rrymën elektrike.
Përplasja me tokën ka rezultuar fatale për të riun, i cili humbi jetën në vend.Në vendngjarje ndodhet grupi hetimor që po punon për të zbardhur plotësisht rrethanat e këtij incidenti tragjik.
Ende nuk dihen detaje të plota mbi shkaqet dhe përgjegjësitë e mundshme për ngjarjen