Një ngjarje e rëndë është shënuar mbrëmjen e sotme në aksin rrugor Tapizë–Fushë Krujë, në territorin e Krujës.
Rreth orës 18:45, një automjet i drejtuar nga një shtetas rreth 19 vjeç ka përplasur një këmbësor, Nazif Zeneli, rreth 62 vjeç. Si pasojë e përplasjes, këmbësori nuk ka mundur t’u mbijetojë dëmtimeve të marra.
Policia e Tiranës tha se drejtuesi i mjetit, Kleo Malja, 19 vjeç, është shoqëruar në Komisariat për kryerjen e veprimeve të mëtejshme procedurale, ndërsa në vendngjarje ndodhet grupi hetimor, i cili po punon për të sqaruar shkaqet dhe rrethanat e ngjarjes.
Autoritetet po vijojnë hetimet për të përcaktuar dinamikën e plotë të aksidentit. /noa.al