Një aksident rrugor është regjistruar një natë më parë në zonën e Lungomares, ku dy automjete janë përplasur me njëra-tjetrën.
Si pasojë e përplasjes, një prej makinave ka dalë nga rruga, duke shkaktuar panik te kalimtarët dhe drejtuesit e tjerë të mjeteve.
Drejtuesi i automjetit tip Volkswagen ka marrë ndihmë mjekësore menjëherë pas aksidentit dhe ndodhet jashtë rrezikut për jetën
Paraprakisht dyshohet se shpejtësia tej normave të lejuara mund të ketë qenë një nga faktorët, pasi aksidenti ka ndodhur në një zonë ku qarkullimi me shpejtësi të lartë nuk lejohet.
Hetimet vijojnë për sqarimin e plotë të rrethanave të ngjarjes.
